Fidel Kastro haqda bilmədiyimiz

Bu gün Kuba Lideri Fidel Kastro vəfat edib.

Ölkə.Az məşhur Kuba inqilabçısı, siyasi xadim Fidelin həyatı haqda müəyyən faktları oxucuları ilə bölüşür.

Kastro 1926-cı ilin13 avqust tarixində anadan olub. Onun atası hüquq təhsili olan varlı adam idi və minlərlə hektar torpağı var idi. Kastro universitetdə təhsil aldığı illərdə marksizmlə tanış olur. O dövrdə Fideli cəmi 82 nəfər dəstəkləyirdi.

Diktator Batista devrildi və 1959-cu ildə 33 yaşlı Fidel Kuba respublikasının baş naziri seçildi.

Fidel Kastro dünyada ən çox hakimiyyətdə olan üç dövlət başçısından biridir. Birinci yerdə İngiltərə kraliçası Yelizaveta, ikinci yerdə isə Tayland kralıdır.

Həyatı boyu Kastroya qarşı 638 sui-qəsd aktı təşkil edilib.

Amma Fidel həyatında 6 dəfə ölümlə üz-üzə qalıb. 1986-cı ildə insult keçirib. 1994-ci ildə ona qarşı sui-qəsd təşkil edilib. 2006-cı ildə mədə qanaxması diaqnozu qoyulub. 2007-ci ildə ABŞ qaçqını tərəfindən sui-qəsdə məruz qalıb. 2009-cu ildə başqa bir sui-qəsdə şahid olub. 2012-ci ildə insultdan sonra özünə gələ bilməyib. Eyni ilin oktyabr ayında üzə çıxıb.

Qadınlara qarşı xüsusi ehtirası olub və "Ayğır" ləqəbi ilə çağırılıb. Həyatında yüzlərlə qadın olub.

Kommunist ideyalarına görə Fideli 1962-ci ildə kilsədən ayırıblar.

Amerika Fidel rejimini devirmək üçün narazı kubalılara qapılarını açmaq barədə qərar qəbul etdi. Komandante Kubanın bütün təhlükəli cinayətkarlarını həbsxanadan azad edərək Amerikaya yola saldı.

2000-ci ildə Kastro 1 may bayramına ağ idman ayaqqabısı geyinir. Bu hansısa şirkətin reklam kampaniyası idi və tezliklə kubalı uşaqlar üçün pulsuz idman ayaqqabısı gətirildi.

Kastro Havanada 7 saat 10 dəqiqə fasiləsiz çıxış edərək Ginnesin rekordlar kitabına düşüb.

Fidelin bacısı MKİ ilə əməkdaşlıq edərək 1964-cü ildə Floridaya qaçır.

Həddən artıq siqaret çəkən Fidel 59 yaşında bu vərdişini tərgidir.

Fidel sualtı ova böyük maraq göstərirdi. Amma bu da onun ağciyərlərində problemə səbəb oldu.

Hikmət
Ölkə.Az