Koreyalılar prezidentin istefasını tələb edir

Cənubi Koreyada nümayişlər başlayıb.

Ölkə.Az xəbər verir ki, prezidentin istefasını tələb edən bir milyon koreyalı küçələrə axışıb. Artıq 5 həftədir ki, davam edən nümayişlərə qatılanların sayı günü-gündən artır.

Bir müddət əvvəl Cənubi Koreya prezidenti Park Guen Hyenin keçmiş dostu Çoy Sun Silin rəsmi vəzifəsi olmasa da, vacib dövlət işlərinə müdaxilə etməsi barədə ortaya çıxan faktlar ölkədə ciddi narazılığa səbəb olmuşdu. Koreyalıların etirazı günü-gündən artaraq kütləvi nümayişlərə çevrilib.

Paytaxt Seul küçələrinə çıxan nümayişçilərin sayı getdikcə artır və qısa müddətə 1.5 milyon nəfərə çatacağı bildirilir. Cənubi Koreyanın başqa şəhərlərində də 500 min nəfərin qatıldığı etiraz mitinqləri keçirilir.

Mitinqə nəzarət etmək üçün 25 min polis işçisi təlimatlandırılıb.

Qeyd edək ki, bu nümayiş 1980c-i illərdən bu yana keçirilən ən genişmiqyaslı mitinq sayılır.

Hikmət
Ölkə.Az