Əsəd ordusu müxalifət qüvvələrinə 4 ilin ən böyük məğlubiyyətini yaşatdı

Suriyada Əsəd ordusu Hələbə qarşı keçirdiyi əməliyyat nəticəsində şəhərin şərq istiqamətində yerləşən Sahur bölgəsini ələ keçirib.

Ölkə.Az xəbər verir ki, müxalifət qüvvələri hakim olduqları ərazinin üçdə birini itiriblər. Hələbin şərqində baş verən hücumlar zamanı 613 mülki şəxs həlak olub, 300 min sakin isə 30 kvadrat kilometrlik ərazidə ilişib qalıb.

Qeyd edilib ki, Sahur bölgəsinin Əsəd ordusu tərəfindən ələ keçirilməsi müxalifət qüvvələrinin 2012-ci ildən bu yana yaşadığı ən böyük məğlubiyyət sayılır. Sahur bölgəsinin itirilməsi müxalifətin əlində olan şərqi Hələb mövqeyini şimal və cənub olmaqla iki hissəyə parçalanması ilə nəticələnib.

Rejim ordusu və İranın dəstəklədiyi şiə silahlıları 12 gündür ki, Hələbin şərqinə havadan və qurudan hücumlar təşkil edir.

Əsəd ordusu tərəfindən geri qaytarılan ərazilərdən 10 min mülki vətəndaş qaçqın düşüb. Şəhərə yağan bombalardan qorunmaq üçün minlərlə ailə evlərini tərk edib və küçələrdə qalıb.

Hikmət
Ölkə.Az