Cənubi Koreya prezidenti istefaya hazırlaşır

Cənubi Koreya prezidenti ölkə parlamentinin qərarına əsasən istefaya hazırlaşır.

Ölkə.Az xəbər verir ki, prezident Pak Kın Xe ölkə parlamentinin hakimiyyətin təhlükəsiz ötürülməsi ilə bağlı planından sonra istefaya getməyə hazır olduğunu bildirib.

"Mən taleyimi və Prezidentlik müddətinin azaldılması barədə qərarı Milli Assambleyaya həvalə edirəm. Əgər hakim və müxalif partiyalar dövlət işlərində problemləri aradan qaldırmaq və hakimiyyətin təhlükəsiz devr edilməsini müzakirə edib plan hazırlasalar, bu plana və qanunla müəyyən edilmiş prosedura əsasən prezident postunu tərk edəcəm", deyə prezident qeyd edib. 

Qeyd edək ki, Cənubi Koreya prezidenti ətrafında gedən siyasi qalmaqal ölkədə etiraz nümayişlərinə səbəb olub. Mitinq iştirakçıları Pak Kın Xenin istefasını tələb edir.

Hikmət
Ölkə.Az