Angela Merkeldən Türkiyə açıqlaması

Almaniyanın baş naziri Angela Merkel Türkiyənin Avropa İttifaqına üzvlüyü ilə bağlı keçirilən müzakirələrdə yeni mövzuların açılmasının əleyhinə olduğunu bildirib.

Ölkə.Az bildirir ki, Almaniya kansleri mühafizəkar Xristian Demokratlar partiyasının dünən keçirilən iclasında bu barədə açıqlama verib.

Almaniyanın "Bild" qəzeti bildirir ki, bu iclasın və açıqlamanın digər bir mənası da müzakirələrin başa çatmasıdır.

Digər tərəfdən Merkel Ərdoğanı Türkiyə və Aİ arasında qaçqın məsələsinə aid imzalanmış müqavilənin şərtlərini yerinə yetirməyə çağırıb.

Merkel Malta rəhbəri Cozef Maskat ilə Berlində keçirdiyi görüşdən sonra təşkil edilən mətbuat konfransında qaçqın məsələsi ilə bağlı sözləşmənin xüsusilə də insan alverinə qarşı mübarizədə hər iki tərəfin xeyrinə olduğunu bildirib. Merkel Türkiyənin etibarlı bir sözləşmə ortağı olduğunu vurğulayıb.

Hikmət
Ölkə.Az