ABŞ Konqresindən Rusiyaya qarşı yeni mexanizm
ABŞ Konqresi Moskvanın "gizli təsiri"nə qarşı yeni struktur yaratmaq barədə qanun qəbul edib.
Ölkə.Az xəbər verir ki, ABŞ-ın təmsilçilər palatasının qəbul etdiyi yeni qanuna əsasən, Rusiyanın gizli təsirini müəyyənləşdirmək üçün idarələrarası xüsusi qrup yaradılacaq.
Yeni qanun layihəsinin lehinə 390, əleyhinə isə 30 konqresmen səs verib. Sənəddə qeyd edilir ki, idarələrarası qrup Rusiyanın xalqlara və hökumətlərə gizli təsirinin qarşısını almaq üçün addımlar atacaq.
ABŞ konqresinin aşağı palatasının qəbul etdiyi qanun layihəsində Rusiya xüsusi xidmət orqanlarının xəfiyyələri və siyasi elitası tərəfindən bilərəkdən yalan məlumatın yayılması, korrupsiya, terror aktları, insan hüquqlarının pozulması, qətllərin qarşısı alınacaq.
Qanuna əsasən, qrupa ABŞ dövlət departamenti, FTB, maliyyə nazirliyi, ədliyyə nazirliyi, energetika nazirliyinin nümayəndələri və milli kəşfiyyat idarəsinin direktoru daxil ediləcək.
Hikmət
