Atambayev prezident postunu təhvil verəcək
Qırğızıstanın prezidenti Atambayev bildirib ki, bir il sonra prezident postunu təhvil verəcək.
Ölkə.Az xəbər verir ki, 2017-ci ildə Qırğızıstanda hakimiyyət dəyişikliyi baş tutacaq.
Atambayev 2011-ci ildə Qırğızıstan prezidenti seçilib. 2017-ci ilin sonunda onun səlahiyyət müddəti başa çatır. Atambayev bu barədə bildirib: "Artıq 6-cı ildir ki, prezidentəm. Düşünürəm ki, Qırğızıstan vətəndaşlarının köməyi ilə bir çox şey əldə etdik. İndi bizim ölkəmiz fərqlidir. Bir il sonra mən bu postu təhvil verəcəm. İki-üç il sonra nəyi əldə etdiyimiz tam formada bilinəcək".
Atambayev növbəti ildə keçiriləcək seçkilərdə xalqın kimi seçəcəyindən xəbərsiz olduğunu qeyd edib: "Kimin seçiləcəyindən xəbərsizəm. Prezident postuna iddialı namizədlər çoxdur. Deməli biz demokratik ölkə qura biləcəyik. Sevinirəm ki, vəliəhdimiz olmayacaq. Əgər qanunvericilik icazə versə, növbəti ilin oktyabr ayında seçkilər keçirilməlidir. Sistemli işləyən siyasətçiləri bəyənirəm. Bu posta real bir neçə namizəd görsəm də, adlarını çəkməyəcəm".
Hikmət
