Trampla şam işığında yeməyin qiyməti
ABŞ-ın yeni seçilmiş prezidenti Donald Trampla şam işığında nahar etmək üçün 1 milyon dollar ödəmək kifayətdir.
Ölkə.Az xəbər verir ki, 2017-ci il 20 yanvar tarixindən ABŞ prezidentliyini təhvil alan Tramp Obamadan fərqli olaraq innauqurasiya mərasimində şirkətləri və lobbi qurumlarını dəvət etməyəcək. Verilən xəbərə görə, qeydiyyatda olan heç bir lobbiçidən ianə qəbul edilməyəcək.
Təhvil-təslim tədbirinin maliyyələşdirilməsi üçün hazırlanan broşuraya əsasən 25 min-1 milyon dollar arasında dəyişən variantlar təklif edilir. Təhvil-təslim tədbiri üçün ianə toplamaq ABŞ prezidentlərinin vəzifəni təhvil aldığı mərasimin xərclərini vergi ödəyicilərinə yükləməmək üçün nəzərdə tutulan adətdir.
Trampın varlı tərəfdarları 1 milyon dollar ianə bağışlayaraq 8 nəfərlik axşam yeməyi hüququnu əldə edə bilərlər. Siyahıda Trampın kabineti ilə nahar yeməyi, Melani Tramp və Karen Pens ilə nahar yeməyi kimi variantlar da təklif edilir.
Hikmət
