Hindistanda dəhşətli qətl anbaan görüntüləndi

Hindistanda dəhşətli qətl baş verib.

Ölkə.Az xəbər verir ki, Hindistanın Pəncab əyalətinin Ludhiana şəhərində soyğunçuluq məqsədilə gecə yarısı evə girən oğru yatan ev sahibi olan qadını dəmir dəyənəklə dəfələrlə vuraraq öldürüb.

Dəhşətli kadrlar evdə quraşdırılmış təhlükəsizlik kameraları tərəfindən saniyə bə saniyə qeydə alınıb.

Polis nümayəndələrinin ifadəsinə görə, hücum edən şəxslərin sayı 4 nəfər olub, onlardan üçü bayırda gözləyib, biri isə evə daxil olaraq dəmir dəyənəklə ev sahibəsini vuraraq qətlə yetirib.

Kadrlardan da göründüyü kimi, oğru dəfələrlə qadını vurduqdan sonra onun öldüyünə əmin olmaq üçün sonuncu dəfə qəddarlıqla yoxlama zərbəsi endirib.

Oğruların dəstəsi tutulduqdan sonra üzə çıxan aşağıdakı kadrlar hər kəsi şoka salıb.

 

Rəşid Mustafazadə

Ölkə.Az