Ərdoğan: "Bizi Avropadan qovmağa gücləri çatmaz"

Türkiyənin prezidenti Ərdoğan Avropanı tənqid edərək sərt bəyanat verib.

Ölkə.Az xəbər verir ki, dövlət başçısı Avropada 5 milyon türk vətəndaşının yaşadığını, onları qovmağa Avropa dövlətlərinin gücü çatmayacağını bildirib.

İstanbulda keçirilən bir toplantıda çıxış edən Ərdoğan deyib: "Türkiyəni Qərb dövləti kimi qəbul etmək də, Şərq dövləti kimi qəbul etmək də düzgün deyil. Əslində hər iki ifadə düz olsa da, elə bir coğrafiyada yaşayırıq ki, bu ifadələr həm doğru, həm də əksikdir. 650 ildən çoxdur ki, Avropadayıq. Olmağa davam edəcəyik. Trakyadakı şəhərlərdən başqa Avropada 5 milyon vətəndaşımız yaşayır. Yüz minlərlə türk gələcəyini Avropada qurub. Bizi ordan qovmağa Avropa dövlətlərinin gücü çatmaz. Biz Avropada qonaq yox, ev sahibiyik".

Hikmət
Ölkə.Az