Hollandiyadan sürpriz Türkiyə açıqlaması

Avstriyadan sonra Hollandiya da Türkiyə əleyhinə bəyanat səsləndirib.

Ölkə.Az xəbər verir ki, Avropa Parlamenti tərəfindən Türkiyənin ittifaqa üzvlük müzakirələrini dondurulduqdan sonra Avstriya Türkiyə əleyhinə bəyanatla çıxış etmişdi.

İki həftə əvvəl Aİ xarici işlər nazirlərinin iclasında Hollandiya rəsmisi Türkiyə ilə müzakirələrin davam etdirilməsinin vacibliyini vurğulamışdı. Amma bu gün Aİ daimi təmsilçilər komitəsinin iclasında Hollandiya rəsmisi türk hökumətinə xəbərdarlıq etmək və rəsmi Ankaranın mövqeyini dəyişdirməyəcəyi təqdirdə müzakirələrin dondurulmasının lazım olduğunu tələb edib.

Diplomatik mənbələr Hollandiyanın tələbi mövzusunda hələ bir konsensus olmadığını bildirir. Aİ və Türkiyə üzvlük mövzusunda müzakirələr rəsmən dondurulmasa da, müzakirələrdə heç bir irəliləyiş yoxdur.

Hikmət
Ölkə.Az