Britaniyalı gənclərin İŞİD sevgisinin sirri

Böyük Britaniyada hər 7 gəncdən birində İŞİD terror qruplaşmasına qarşı simpatiya hissi var

Ölkə.Az The Times qəzetinə istinadən xəbər verir ki, Britaniyada aparılmış ictimai rəy sorğusunun nəticələrinə görə, hər 7 gəncdən birinin İŞİD-ə qarşı rəğbət hissi var.

Sosioloq alimlərin fikrincə, 25 yaşına qədər olan şəxslərin ekstremist qruplaşmalara olan marağını yalnız döyüşçülərin dəliqanlılığı və qazandığı qələbələrlə izah etmək olar. Alimlər hesab edir ki, bu marağın kökündə siyasi motivlər dayanmır və əksər gənclərin bu cür düşünməyini həm də iqtidara və KİV-nə olan inamsızlıqla əlaqələndirmək mümkündür.

2000-dən artıq şəxs arasında aparılmış sorğuda vətəndaşlar bir neçə qruplaşmanı 10 ballıq sistemlə qiymətləndiriblər. Bu, İngiltərədə İŞİD-lə bağlı aparılmış ən geniş sorğudur.

Qeyd edək ki, sorğuda iştirak edən gənclərin cavabları həftədə ən azı 5 nəfər britaniyalının Suriyaya gedərək İŞİD-ə qoşulması faktına aydınlıq gətirib.

Rəşid Mustafazadə

Ölkə.Az