Cənubi Koreyanın prezidenti istefaya gedir

Cənubi Koreyanın prezidenti istefaya gedir.

Ölkə.Az xəbər verir ki, Pak Kın Xe növbəti ilin aprel ayında istefaya getməyə razılaşıb. Bu barədə Pak Kın hakim partiya "Senuri"nin rəhbərliyi ilə görüşdə məlumat verib və iyun ayına prezident seçkilərinin təyin ediləcəyini bildirib.

Prezidentin səlahiyyət müddəti 2018-ci ilin fevral ayında başa çatmalıdır. Amma Cənubi Koreyada baş qaldıran siyasi skandal Pak Kın Xenin istefası ilə nəticələnib. Hakim partiya rüşvət qalmaqalı ilə bağlı yaranmış vəziyyəti düzgün dəyərləndirməli, müxalifəti impiçment səsverməsindən imtina etməyə məcbur etməlidir. Bununla belə hakim partiyanın bir fraksiyası impiçment qərarını dəstəkləyəcəyini bildirib. Səsvermə zamanı 300 deputatın 200-ü müsbət səs versə, impiçment qərarı qüvvəyə minəcək.

Müxalifət parlamentdə 172 deputatla təmsil olunur. 28 səs üçün də hakim partiyaya müraciət ediləcək.

Hikmət
Ölkə.Az