Səudiyyə Ərəbistanında 15 nəfər edam ediləcək

Səudiyyə Ərəbistanında İran lehinə casusluqda ittiham edilən 15 nəfərə edam hökmü oxunub.

Ölkə.Az xəbər verir ki, Ər-Riyad məhkəməsi İrana casusluq edən 15 nəfərə edam cəzası kəsib.

Aparılan istintaq əməliyyatları nəticəsində 32 nəfər saxlanılıb. Onlardan 30-u yerli sakin, 1-i İran digəri isə Əfqanıstan vətəndaşıdır. Digər fiqurantlar müəyyən həbs cəzasına məhkum ediliblər.

Məhkəmə təyin edib ki, həbs edilənlər Səudiyyə ordusu haqda vacib məlumatları İran xüsusi xidmət orqanlarına çatdıran casus şəbəkəsinin üzvləri olub.

Casusluqdan başqa müttəhimlərə Səudiyyə sahibkarlarına qarşı diversiya aktları hazırlamaq, dinlər arası münaqişə törətmək və hökumət əleyhinə aksiyalarda yerli sakinlərin iştirakını təşkil etmək ittihamları da irəli sürülüb.

Hikmət
Ölkə.Az