Türkiyədən sərt bəyanat

Türkiyəli nazir Süleyman Soylu PKK ilə mübarizədə vaxt göstərdi.

Ölkə.Az xəbər verir ki, Türkiyənin daxili işlər naziri bildirib: "Apreldən sonra başlarına nə gələcəyindən xəbərləri yoxdur. Yox olmaq təhlükəsi ilə üz-üzə qalacaqlar".

Nazir terrorla mübarizə məsələsində sərt addımlar atılacağını vurğulayıb: "Prezidentdən tutmuş sərhəddə xidmət aparan əsgərlərimizə qədər hamı qərarlıdır. Bu gün PKK yaxşı günlərini yaşayır. Apreldən sonra başlarına nə gələcəyindən xəbərləri yoxdur. Qış aylarında da mübarizəyə davam edəcəyik. Bütün işləri planlaşdırmışıq. Bu planlar çərçivəsində terrorçulara qış aylarında da rahatlıq verməyəcəyik. Gizləndikləri yer, mağara sığınacaq qalmayacaq. Bingöldə 53 sığınacaq məhv etmişik. Vətəndaşları, ticarətlə məşğul olanları soyub demokratiyadan danışmaq olmaz".

Hikmət
Ölkə.Az