Fransanın təhlükəli ördəkləri

Fransada çöl quşları arasında quş qripi virusuna ilk yoluxma faktı qeydə alınıb.

Ölkə.Az xəbər verir ki, H5N8 virusu Nor-Pa-de-Kale regionunda 20 çöl ördəyində aşkarlanıb. Kənd Təsərrüfatı Nazirliyinin mütəxəssisləri hələ ki, ev quşlarında yoluxma aşkar etmədiklərini bəyan ediblər. Bununla belə, virusun çöl quşlarından ev quşlarına keçməsi riski olduğundan, nazirlik fermerlərə lazımi profilaktik tədbirlər görməyi tövsiyə edib. Bu il quş qripi ilk dəfə Almaniyada qeydə alınıb. Bir neçə gün əvvəl adıçəkilən virus Polşadakı zooparklardan birində ölmüş dəvəquşunda aşkar olunub.

Ümumilikdə, quş qripi virusuna yoluxma 9 ölkədə qeydə alınıb.

Azər Qismət
Ölkə.Az