ABŞ Suriyaya 200 əsgər göndərir
ABŞ müdafiə naziri Eşton Karter Rakka əməliyyatı üçün Suriyaya daha 200 əsgər göndəriləcəyini açıqlayıb.
Ölkə.Az qafqazinfo-ya istinadən xəbər verir, Müdafiə Naziri əsgərlərin İŞİD-in paytaxt elan etdiyi Rakkanın azad edilməsində kürd və ərəb qüvvələrinə yardım edəcəklərini bildirib.
Nazir bu barədə Bəhreyndə iştirak etdiyi təhlükəsizlik konfransında vurğulayıb.
O, ABŞ prezidenti Barak Obamanın Suriyaya əlavə əsgər göndərilməsini keçən həftə təsdiq etdiyini söyləyib. Karter "Xüsusi qabiliyyətə malik bu əsgərlər hazırda Suriyada olan 300 ABŞ xüsusi təyinatlılarına qoşulacaq. Onlar yerli qüvvələrin İŞİD-lə mübarizəsində təşkilatçılıq, təlim, təhcizatlandırma da daxil dəstək verməyə davam edəcək" deyib.
