PKK-dan İŞİD taktikası
Beşiktaşdakı hücum zamanı bomba yüklü avtomobilin Maçka Parkına park edilməsinin detalları üzə çıxıb.
Ölkə.Az xəbər verir ki, terrorçular hücumdan sonra kütlənin Maçka Parkına tərəf qaçacağını düşünərək avtomobili bu əraziyə yerləşdiriblər. Bu üsul İŞİD tərəfindən istifadə edilir.
İstanbulda eyni vaxtda baş verən iki terror hücumunun PKK tərəfindən həyata keçirildiyi üzə çıxdı. PKK 35 illik tarixində ilk dəvə bu üsuldan istifadə edib və hadisəyə İŞİD tərəfindən həyata keçirilən terror aktı imici verməyi nəzərdə tutmuşdu.
Təhlükəsizlik kamerasının görüntülərinə əsasən bomba yüklü avtomobil futbol yarışı bitdikdən sonra azarkeşlərin stadionu tərk edərkən ilk partlayışdan sonra yuxarıya, yəni Maçka parkına qaçacağı üçün o istiqamətdə ikinci bomba partladılmalı idi. Amma təhlükəsizlik qüvvələrinin səyi nəticəsində bu baş vermədi.
Bu hücum taktikası İŞİD-ə aid olduğu üçün ilk olaraq terror aktının İŞİD tərəfindən həyata keçirildiyi düşünülmüşdü. Amma hadisə yerində aparılan istintaq zamanı istifadə edilən partlayıcı maddə, avtomobil, terrorçulara aid cəsəd parçaları və barmaq izləri terrorun PKK tərəfindən törədildiyini üzə çıxardı. Hadisə ilə bağlı 13 nəfər saxlanılıb.
Silahların ABŞ və NATO tərəfindən İŞİD-lə mübarizə üçün PKK-nın Suriya qanadı PYD-yə verilən silahlar olduğu müəyyən edilib.
Hikmət
