İŞİD liderinin yeni əmri

İŞİD silahlı qruplaşmasının lideri Əbubəkir Bağdadi təşkilata İraq kəşfiyyatının adamlarının sıza bildiyini etiraf edib. 

Bağdadinin yaxınlarından biri Rusiya mətbuatına bildirib ki, İŞİD lideri təşkilata yerli adamlar qəbul etməməyi tapşırıb. 

“İraqdan heç kimi içinizə almayın. Çünki İraq kəşfiyyatı casus sızdıra bildi”,- deyə Əbubəkir Bağdadi bildirib. 

İŞİD lideri daha sonra əlavə edib: “Təşkilata sadəcə xariciləri götürün”.

Qeyd edək ki, son günlərdə İŞİD-in nəzarət etdiyi bəzi ərazilər koalisiya güclərinin hava dəstəyi ilə İraq ordusu və kürd peşmərgələri tərəfindən geri alınıb. İŞİD lideri uğursuzluqları İraq kəşfiyyatının casus fəaliyyəti ilə əlaqələnldirib. (anspress)

Ölkə.AZ