Ukraynanın Rusiyadan asılılığı başa çatır

Ukrayna Qara dənizdə nəhəng təbii qaz yataqları kəşf edib.

Ölkə.Az xəbər verir ki, bu barədə Dövlət geologiya xidmətinin sədri Nikolay Boyarkin məlumat verib.

Ukraynanın yeganə geoloji-kəşfiyyat gəmisi "Axtarıcı" Qara dənizin şimali-qərb şelfində 35 milyard kubmetr təbii qaz ehtiyatı kəşf edib.

Nikolay deyib: "Ukraynanın Qara dəniz şelfində neft və qaz axtarışlarını bərpa etməsi ölkədə geoloji kəşfiyat sahəsində böyük tərəqqiyə şahidlik edir. Qiymətləndirmələrimizə əsasən, Qara dənizin şimali-qərb şelfində, 7 min kvadrat kilometrlik ərazidə 40 milyard kubmetr təbii qaz ehtiyatı var".

Sədrin fikrinə görə, Ukrayna daxili qaz tələbatını təmin etmək üçün kifayət qədər ehtiyata malikdir.

Hikmət
Ölkə.Az