Alimlər Antarktidada nəhəng kraterə baxdılar

Alimlər Şərqi Antarktidada nəhəng kratera baxıblar.

Ölkə.Az xəbər verir ki, alimlər Şərqi Antarktidada iki kilometr eni olan nəhəng buz kraterə baxış keçiriblər.

Krater ilk dəfə sputniklərin köməyi ilə 1989-cu ildə qeydə alınıb. Amma bu hadisə barədə ictimaiyyətə məlumat verilməmişdi. Alimlər kraterin meteorit düşməsi nəticəsində yarandığını güman etdikdən sonra geniş kütləyə məlumat verilib.

Kraterin dərinliyi üç metrdir və daxilində ərimiş suyun buz qatını yuması nəticəsində yaranmış 3 vertikal şaxta var.

Adətən bu tip şaxtalar qar və soyuq küləklər səbəbindən kiçilir. Amma dünyada son illər temperaturun yüksəlməsi səbəbindən bu proses baş verməyib.

Alimlərin fikrinə görə, Antarktida əvvəlki illərə nisbətən son dövrdə iqlim dəyişikliyinə qarşı daha zəifdir. Onun buzlaqlarının əriməsi dəniz səviyyəsinin on metrlərlə artıra bilər.

Hikmət
Ölkə.Az