Rusiya dünyaya bəyanat verdi: \"Türkiyə ilə razılığa gəldik\"

Rusiya Hələbə humanitar yardım məsələsində Türkiyə ilə razılıq əldə edildiyini bildirib.

Ölkə.Az xəbər verir ki, Rusiyanın xarici işlər naziri Sergey Lavrov Hələb məsələsində ABŞ-dansa, Türkiyə ilə razılaşmağın daha asan olduğunu bildirib.

Nazir deyib: "Hələbdə silahlı müqavimətin 3 gün ərzində həll ediləcəyinə inanıram. Hələbdəki vəziyyətin 2-3 gün ərzində həll ediləcəyinə ümid edirəm. Hələb məsələsində Türkiyə ilə razılığa gəlmək ABŞ ilə razılığa gəlməkdən daha asandır".

Lavrov bildirib ki, Hələbdən çıxan qüvvələri hara yerləşdirmək məsələsi ortaya çıxacaq. Amma hazırda Hələbdəki faciəyə son vermək daha vacibdir. Mülki əhalinin evakuasiya edilməsi üçün bir neçə dəhliz yaradıldığını qeyd edən nazir bu vaxta qədər on minlərlə sakinin şəhərdən çıxdığını bildirib.

Lavrov Rusiyanın İŞİD və Əl-Nusradan başqa digər bütün qruplarla əlaqələrinin olduğunu bildirib.

Hikmət
Ölkə.Az