Avropa İttifaqı ilə Türkiyə arasında buzlar əriyir

Avropa İttifaqı və Türkiyə arasında yeni zirvə görüşü planlaşdırılır.

Ölkə.Az xəbər verir ki, Aİ Şurasının sədri Donald Task İttifaqın qurumları və Türkiyə arasında növbəti aylarda zirvə toplantısı keçirmək barədə fəaliyyətə başladıqlarını, amma hələ dəqiq tarix üzərində qərarlaşa bilmədiklərini bildirib.

Şuranın sədri Aİ liderlərinin zirvə toplantısında belə bir qərara gəldiklərini qeyd edib: "Aİ qurumları ilə Türkiyə nümayəndələri arasında növbəti aylarda zirvə toplantısı keçirmək üçün səlahiyyət aldıqq. Amma hələ dəqiq tarix müəyyən edilməyib".

Türkiyə ilə dialoq və görüşlərin davam etdirilməsinin lazım olduğunu qeyd edən Task deyib: "Bəzi təşəbbüslər var ki, nəticə əldə etməliyik. Bu sadəcə viza məsələsi ilə bağlı deyil. Bu mövzuda müəyyən tələblərin yerinə yetirilməsi lazımdır. Türkiyənin bu məsələdə terrorla mübarizə qanunun dəyişdirilməsi kimi çətinlikləri var. Məsələyə bitərəf yanaşanda həqiqətən də çətin vəziyyətdədirlər".

Hikmət
Ölkə.Az