Kubadan Çexiyaya dünyanın ən qəribə təklifi

Kuba dövləti Çexiyaya olan borcunu rom içkisi ilə ödəməyi təklif edib.

Ölkə.Az xəbər verir ki, əgər Çexiya təklifi qəbul etsə, Kuba 270 milyon dollarlıq borcunu dünyanın məşhur içkisi rom ilə ödəyəcək. Təklifin qəbul edildiyi təqdirdə çexlər 100 illik rom ehtiyatı əldə edəcəklər.

Çexiyanın maliyyə nazirliyi rəsmi Havananın bu təklifi son görüşlərdə dilə gətirdiyini bildirib. Amma rəsmi Praqa borcun bir hissəsini pul qismində almağı düşünür.

Havana soyuq müharibə dövründən Çexiyaya borcludur. O dövrdə Çexoslovakiya və Kuba komunist bloka aid idi.

Çexiya maliyyə nazirliyindən romla yanaşı bəzi dərman preparatlarının da qəbul edilə biləcəyini açıqlayıb. Amma Kubanın istehsal etdiyi dərmanlar Avropa İttifaqı sertifikatı almayıb.

Hikmət
Ölkə.Az