Dünyanın ən qədim su mənbəyi tapıldı

Kanadada dünyanın ən qədim su mənbəyini tapıblar.

Ölkə.Az xəbər verir ki, Kanadada elm adaları mis, polad və gümüş çıxarılan bir mədənin 3 km dərinliyində 2 milyard il yaşı olan su mənbəyi tapıblar.

Qeyd edək ki, 2013-cü ildə bu mədəndə 1.5 milyard il yaşı olan başqa su mənbəyi də tapılıb.

Tədqiqat qrupunun lideri professor-doktor Barbara Şervud bildirib ki, dünyanın ən qədim su mənbəyi tapılan mədəndə aparılan tədqiqat işlərinin nəticələri onları daha dərinlərə enərək yeni çalışmalar aparmağa sövq edib.

Tədqiqatın nəticələri Yer planetində canlı həyatın yaranmasına dair yeni məlumatlar əldə etməyə imkan verəcək.

Hikmət
Ölkə.Az