ABŞ İŞİD liderinin başı üçün mükafat ayırdı
Amerika Birləşmiş Ştatları (ABŞ) İŞİD terror qruplaşmasının lideri Əbu Bəkr əl-Bağdadinin başı üçün müəyyən edilən mükafatı artırıb.
Ölkə.Az xəbər verir ki, bu barədə ABŞ Dövlət Departamenti məlumat yayıb. Departament yaydığı bəyanatda, "Ədalət üçün mükafat proqramı" çərçivəsində Bağdadinin yaxalanması üçün 2011-ci ildə müəyyən edilən 10 milyon dollarlıq mükafatın məbləğinin artırıldığını qeyd edib.
"ABŞ-ın daxili təhlükəsizliyi və Amerika xalqını terror hücumlarına qarşı qorumaq üçün fəaliyyətimiz davam edir. İŞİD liderinin yaxalanması üçün bizə məlumat verənlərə ödəniləcək mükafatı artırırıq".
Dövlət Departamenti terror təşkilatının lideri və qondarma İslam dövlətinin xəlifəsi Əbu Bəkr əl-Bağdadinin yaxalanması üçün mükafatın 25 milyon olduğunu açıqlayıb.
Ziya Səccad
