\"Hələb artıq cəhənəmin sinonimidir\"

 

Ölkə.Az xəbər verir ki, çıxışına Suriyada 6 ildir davam edən vətəndaş müharibəsindən bəhs edərək başlayan baş katib bildirib ki, Hələb artıq cəhənnəmin sinoniminə çevrilib. BMT-nin Suriyadakı fəaliyyətinin uğursuz olduğunu etiraf edən Ban Ki Mun, Suriyada işlənən dəhşətli cinayətlərə görə hesabat verildiyində və ədalət təsis edildiyi zaman bu ölklədə sülhün bərqərar olacağını vurğulayıb. Baş katib Suriyada vəziyyətin dəhşətli dərəcədə ağır olduğunu yerli xalqın əziyyət çəkdiyini bildirib. "Minlərlə insan Hələbdən ayrıldı. 194 xəstə isə İdlib, Hələbin qərbi və Qaziantepdəki xəstəxanalara çatdırılıb.

 

Təəssüf ki, insanların təxliyyəsi bu (ötən) gün dayandırılıb. Təxliyyə işlərinin dayandırılmasına görə təəssüf edirəm. Təxliyyə prosesinin təhlükəsiz şəkildə yenidən başlaması üçün tərəfləri lazımi tədbirləri görməyə dəvət edirəm." Beynəlxalq ictimaiyyətin Suriya məsələsində lazımlı və kifayət qədər dəstək vermədiyini deyən Ban Ki Mun, vəzifəsindən ayrıldığı zaman xələfinə çox problem qoyub getdiyi üçün təəssüfləndiyini qeyd edib. "Suriyada problemin həlli üçün Laxdar, Brahimi, Kofi Annan, Staffan de Mistura kimi dünyanın ən yaxşı diplomatlarını təyin etdim. Problem müzakirəçilər yox, həmrəylik və həssaslığın olmamasıdır. Şəxsi və milli mənfəətlər yüz minlərlə insanı öldürdü. Vəzifəyə yeni təyin olunacaq baş katibə həll edilməmiş çox problem qoyub getdiyim üçün təəssüf edirəm."

 

BMT-nin baş katibi Ban Ki Munun vəzifə müddəti bu ilin sonunda başa çatır.