İordaniyada polisə və turistlərə hücum etmiş 4 silahlı zərərsizləşdirildi
İordaniyanın Əl-Karah şəhərində polisə və turistlərə hücum etmiş 4 silahlı zərərsizləşdirilib.
"Report" "Reuters"ə istinadən xəbər verir ki, ölkənin təhlükəsizlik qüvvələrinin silahlılara qarşı əməliyyatı başa çatıb.
Qeyd edək ki, silahlılar bir neçə turisti girov götürərək orta əsrlərə aid qəsrlərdən birində gizlənmişdilər. Hüquq-mühafizə orqanlarının məlumatıəna görə, silahlıların sayı 4-6 nəfər ola bilər.
Təhlükəsizlik qüvvələri əməliyyatın gedişi zamanı külli miqdarda silah-sursat da müsadirə edib. Krallığın təhlükəsizlik qüvvələrinin nümayəndəsi isə bildirib ki, Əl-Karah şəhərində polisə və turistlərə hücum terror aktıdır.
Qeyd edək ki, İordaniyanın Əl-Qarah şəhərində polis postuna hücum edən silahlılarla asayiş keşikçiləri arasında baş vermiş atışma zamanı 10 nəfər ölüb.
Qeyd edək ki, Kanada hökuməti bu terror aktında bu ölkədən olan vətəndaşının öldürülməsini pisləyib. Kanada xarici işlər nazirinin nümayəndəsi bildirib ki, Kanada hökuməti İordaniyaya bu iyrənc hücumun təşkilatçılarının məsuliyyətinə cəlb edilməsində kömək etməyə hazırdır.
