İranda voleybola baxmaq istəyən qadın məhkum olundu

Oyuna baxmaq istəyən qadın 1 illik həbsə məhkum olunub

Ölkə.Az Frans Press agentliyinə istinadən xəbər verir ki, İranda voleybol matçına girmək istəyən britaniyalı xanım bir illik həbs cəzası alıb.

Tehran şəhərində İran və İtaliyanın kişi voleybol komandaları arasında keçirilən oyuna seyr etmək istəyən qadın 1 illik həbsə məhkum olunub. Bu məlumatı məhkum xanımın vəkili Əlizadə Tabatabai yayıb.

25 yaşlı Qonçeh Qavami 20 iyunda Tehranda yerləşən stadionlardan birinin yanında tutulub. Britaniyalı xanım Dünya liqası çərçivəsində kişilər arasında keçirilən voleybol matçına baxmaq istəyirmiş.

Qadın az sonra buraxılmış, lakin bir neçə gün sonra yenidən tutularaq daha çox siyasi məhbusların və jurnalistlərin saxlanıldığı Evin həbsxanasına salınıb.

Oyundan əvvəl qadınların və jurnalistlərin stadiona daxil olması qadağan edilmişdi. Bunun əsas səbəbi isə oyunun kişilər arasında keçirilməsidir.

Qeyd edək ki, qadınlara həm də futbol və digər kişi idman növlərinin yarışlarında tamaşaçı qismində iştirak etmək yasaqlanıb.

Rəşid Mustafazadə

Ölkə.Az