İranda həbs edilən azərbaycanlı aclıq aksiyası keçirir

İranda həbs edilən azərbaycanlı 56 gündür ki aclıq aksiyası keçirir.

Ölkə.Az xəbər verir ki, insan hüquqları müdafiəçisi Mortaza Moradpur 56 gündür ki, Təbriz həbsxanasında aclıq aksiyası keçirir. Aktivistin vəziyyəti olduqca ağırdır.

İranda yaşayan Azərbaycan türklərinə qarşı insan haqları pozuntularına qarşı Türkiyə, Avropa və ABŞ-da fəaliyyət göstərən AHRAZ (İranda yaşayan Azərbaycanlıların hüquqlarının assosiasiyası) üzvləri Mortazanın aclıq aksiyasına görə bəyanat yayıblar.

Norveçdə yaşayan AHRAZ üzvü Şahin Helali Xyavi bildirib ki, İranda 90 il ərzində türklərə qarşı assimilasiya siyasəti tətbiq edilir. İran rejimi azərbaycanlıların tələblərini sərt formada ört-basdır edir.

Mortaza isə Urmiya gölünün qurudulmasına qarşı etiraz etdiyi üçün həbs edilib. 56 gündür aclıq aksiyası keçirən Mortazanın vəziyyəti həddən artıq ağırdır.

Hikmət
Ölkə.Az