"Ağıllı" saatın çıxacağı tarix bəlli oldu

Apple Watchın çıxış tarixi bəlli olub.

Ölkə.Az 9to5 Mac-a istinadən xəbər verir ki, Apple-ın ağıllı saatı Apple Watch-un çıxış tarixi məlum olub. Applenin iPhone 6 və iPhone 6 Plus ilə birlikdə tanıtdığı Apple Watchın satışa buraxılacağı vaxt müəyyən edilib. "Ağıllı" saatın 2015-ci ilin yazında təqdime diləcəyi gözlənilir.

Apple Watchın ekranı çəkilmə və zərbələrə qarşı dayanıqlı olan sapfir şüşə ilə örtülüb. Apple Watch-da qiroskop, ürək atış sürətini bildirən sensor və Taptic Engine adını daşıyan xüsusi bir sensor var. Taptic Engine-in sayəsində Apple Watch ekran üzərindəki yüngül bir toxunuş və sərt bir basdırma arasındakı fərqi ayırd edə bilir.

Apple Watch induktiv kabelsiz enerji doldurulması kimi xüsusiyyəti var. Apple Watch ilə istifadəçilər mesajlarını saat vasitəsilə oxuya, səsli əmrləri yerinə yetirən rəqəmsal vasitə Siri-ni də istifadə edə biləcək. Apple Watchın digər xüsusiyyəti isə xəritə, iPhonelarındaki mahnıları dinləmə və hətta hava vəziyyəti öyrənə biləcəklər.

Bundan başqa, səsin tanınması və emosiyalarla cavab göndərmək mümkün olacaq. Hətta ürək ritminizi belə yoldaşınıza göndərmək imkanı əldə edəcəksiniz və qarşı tərəf vibrasiya vasitəsilə ürək ritminizi hiss edəcək. Yeni cihaz sizin sosial şəbəkələrdə aktivliyinizi də təmin etmək barədə düşünüb. Belə ki, siz bu "ağıllı" saat vasitəsilə tvit, status paylaşacaqsınız. Digər yenilikləri isə yalnız "ağıllı" saatın təqdimatından sonra öyrənə biləcəksiniz.

Rəşid Mustafazadə

Ölkə.Az