Donald Trampın ətrafında fırlanan qalmaqallar

Amerika siyasəti tarixində prezident namizədləri arasında Tramp qədər mübahisəlisi demək olar ki, yoxdur.

Milyarder Tramp epetajlı bəyanatları ilə məşhurdur. Onun bəyanatları əsasən meksikalılara və müsəlmanlara qarşı yönəlmişdi. Ölkə.Az oxuculara Donald Tramp haqda qalmaqallı faktları təqdim edir.

5.Yalançı universitet

"Tram universiteti" sadəlövhlər üçün klassik tələdir. Bütün siniflər bahalı seminarlara yazılmış tələbələr üçün nəzərdə tutulmuşdu. Bu siniflərdə tələbələr Trampın şəxsi biznes fəndlərini öyrənirlər. Qeyd edək ki, seminarların qiyməti çox bahadır və 35 min dollara qədər qiymətlər var. Bununla belə, proqrama qoşulanlar bildiriblər ki, ümumi üsullardan başqa heç nə öyrənməyiblər və Trampla şəxsən görüşməyiblər. Universitetin fəaliyyəti ilə bağlı 2013-cü ildə Nyu-York prokurorluğu iş də qaldırıb. İş bağlansa da, 2016-cı ildə universitetin fəaliyyəti bərpa edilib.

4.Xeyriyyəçiliklə bağlı fırıldaq

Donald fondu qeyri-adi xeyriyyəçilik nümunəsidir. Fondun xərclədiyi pullar heç də həmişə xeyriyyə məqsədi üçün istifadə edilmir. Tramp əvvəllər özü üçün bahalı hədiyyələri bu pullarla alırdı. Bir dəfə Donald öz rəsmini almaq üçün fonddan 20 min dollar pul xərcləmişdi. Nəzərə almaq lazımdır ki, fond digər xeyriyyə cəmiyyətlərinin hesabına maliyyələşir.

3.Qeyri-leqal immiqrantların istifadə edilməsi

Tramp seçki kampaniyasında qeyri-leqal immiqrantları deportasiya etmək barədə söz vermişdi. Bununla belə, 1980-ci illərdə Tramp qülləsinin tikintisində qeyri-leqal polyak immiqrantlardan istifadə edilib. Donald bu faktı inkar etsə də, hadisəni təsdiqləyən şahidlər və FTB məlumatları var.

2.İrqçilik

Trampın həyatının qaranlıq tərəflərindən biri də 40 il boyunca adının irqçilik qalmaqallarında hallandırılmasıdır. 1973-cü ildə afro-amerikalılara kirayə ev verməkdən imtina etdiyi üçün Ədliyyə nazirliyi Tramp ailəsini məhkəməyə vermişdi. Tramp günahını boynuna almasa da, gələcəkdə qaradərililərə qarşı loyal yanaşacağına aid müqavilə imzalamaq məcburiyyətində qalır.

Kazino əməkdaşlarından biri etiraf edir ki, Tramp əyləncə mərkəzinə gələndə, qaradərili işçilərin hamısı gizlənirmiş. 1989-cu ildə Nyu-Yorkun mərkəzi parkında ağdərili qadın 4 qaradərili yeniyetmə tərəfindən zorlanır. Tramp isə yeniyetmələrin edam edilməsini tələb etdi.

1.Putinə qarşı simpatiya

Donald Trampın Rusiya liderinə qarşı simpatiyası böyük qalmaqala səbəb oldu. Bir çox seçicini Trampın Rusiya prezidentinə olan xoş münasibəti ya əsəbləşdirir, ya da təəccübləndirir. Tramp Putini güclü lider adlandıraraq tərifləyib və "Obama ona oxşasa pis olmazdı"-deyib. Bundan başqa Tramp Kremli Hillari Klintonun elektron məktub hesabını sındırmağa səsləyib.

Hikmət
Ölkə.Az