Con Lennonu yadplanetlilər oğurlayıb?

Məşhur musiqiçi Con Lennon hələ uşaq yaşlarından yadplanetlilərlə əlaqəyə girdiyinə inanır. Yadplanetlilər bir neçə dəfə Lennonu oğurlayıblar.

Ölkə.Az Con Lennonun keçmiş rəfiqəsi, şəxsi assistenti və koordinatoru Mey Penqin sensasion açıqlamalarını oxucuları ilə bölüşür.

Con və Mey arasında 18 aylıq eşq macərası olub. Bu müddət ərzində musiqiçi yadplanetlilərlə əlaqədə olduğunu sevgilisinə deyib. Qadının sözlərinə görə, Con uçan naməlum obyektlər, digər planetlərdə həyat kimi məsələlərlə çox maraqlansa da, bunu hamıdan gizlədirmiş. Penqin iddiasına görə, Lennon uşaq yaşlarından dəfələrlə "yaşıl adamlar" tərəfindən qaçırılıb və bir neçə dəfə qalaktikalar arası gəmini gözləri ilə görüb.

Mey eyni zamanda 1974-cü ilin 23 avqust tarixində Conla Liverpuldakı evin balkonunda dayananda UFO görüb. Həmən gün İngiltərənin şimal-qərb sahillərinin sakinləri də uçan obyekt gördüklərini bildirmişdilər.

Meyin dediyinə görə, Con hadisə zamanı kifayət qədər sakit olub və heç bir reaksiya verməyib.

Lennonun yadplanetlilərlə əlaqələri olduğu barədə başqa faktlar da var. Məsələn, 1984-cü ildə oxuduğu "Mənə heç kəs deməyib" mahnısında "Nyu-Yorkun üzərində UFO var idi, amma mən buna təəccüblənmədim" cümləsi var.

Ötən il britaniyalı ufoloq Ras Kellett maraqlı bir dəftər alır. Con Lennon əli ilə kağıza maraqlı təsvir çəkib. Təsvirdə Bruklin körpüsü, bir neçə ev, musiqiçinin özü, yanında qadın və uçan obyekt var.

Uri Geller də Conla bir neçə dəfə görüşüb. Onun sözlərinə görə, Lennon böyük böcəklərə bənzəyən yadplanetlilərlə görüşdüyünü deyib. Hadisə Nyu-Yorkda baş verib. Müğənni həyat yoldaşı Yoko Ono ilə çarpayıda yatıbmış. Qəflətən pəncərədə mistik işıq görünüb. Con qapını açıb və 4 hündür məxluqla qarşılaşıb. Bu məxluqlar insan-böcəklərə bənzəyirmişlər.

Lennon Gellerə deyib ki, məxluqlar mənə nəsə etdilər: "Nə etdiklərini bilmirəm, amma o vaxtdan özümdə dəyişikliklər hiss edirəm. Bu yuxu deyildi. O vaxt artıq narkotik maddələrdən isifadə də etmirdim. Mən məxluqlardan qurtulmaq istəyirdim, amma tərpənə bilmirdim. Heç nəfəs də ala bilmirdim. Bu bir dəqiqə davam etdi və sonra onlar yoxa çıxdılar. Mən yatağıma qayıtdım və bütün günü yatdım".

Hikmət
Ölkə.Az