Türkiyədə şəhidin anım mərasimində Ərdoğanı təəccübləndirdilər
Ankaranın Maltepe rayonunda Suriyada gedən döyüşlərdə şəhid olan Erol Olçokın adına kampus açılışında iştirak edən ölkə başçısı Rəcəb Tayyib Ərdoğanı təəccübləndiriblər.
Ölkə.Az xəbər verir ki, soyuq və yağışlı havada keçirilən tədbir zamanı Türkiyə prezidentinə və protokol üzvlərinə edilən çay təklifi hər kəsi təəccübləndirib. Çay təklifi tədbirin keçirildiyi məkanın yaxınlığında yerləşən bina sakini tərəfindən edilib.
Ərdoğan çay təklifindən imtina etməyib. Prezident çaydan bir qurtum içdikdən sonra yaxınlıqdakı binaya tərəf çevrilib. Eyvandan ona salam edən insanlara və çay göndərən vətəndaşlara təşəkkürünü bildirib.
Vətəndaşların prezidentə olan sevgisi və Ərdoğanın çay təklifini qəbul etməsi tədbir iştirakçılarını təəccübləndirib.
Çay qonaqlığı bitdikdən sonra Ərdoğan kürsüyə dəvət edilib və çıxışına başlayıb.
Ziya Səccad
