Kremlin "qara qutu"su qətlə yetirildi

Rusiya 1 həftə ərzində 3 diplomatını itirib və təyyarə qəzası ilə sarsılıb.

Ölkə.Az xəbər verir ki, Rusiyada yeni faciə baş verib. Putinin "sirr dağarcığı" kimi tanınan iş adamı Oleq Yerovinkinin meyidi avtomobilində tapılıb.

Son bir həftədir Rusiyanın üzərini qara buludlar alıb. Ankarada səfir Karlovun qətlə yetirilməsi, xarici işlər nazirliyinin diplomatı Petrinin evində öldürülməsi, NATO müvəkkili Şandelonun başından vurulması və Qara dənizdə məlum təyyarə qəzasından sonra yeni bir qətl ölkəni gündəminə bomba kimi düşüb. Rusiyanın "Rosneft" şirkətinin ikinci şəxsi öldürülüb. Şirkətin sədri İqor Seçinin sağ qolu olan Oleq Yerovinkinin meyidi avtomobilində tapılıb. Yerovinkin sabiq kəşfiyyat generalıdır və Kremlin "qara qutu"su kimi tanınır.

Oleq 4 ildir ki, Seçinin köməkçisi vəzifəsini tutur və bu vəzifəyə Putin tərəfindən təyin edilib. Bəzi iddialara görə Oleqin qətli Putinə xəbərdarlıqdır və qətlin arxasında MKİ (ABŞ-ın Mərkəzi Kəşfiyyat İdarəsi) durur.

Hikmət
Ölkə.Az