Fransa və Böyük Britaniyadan yeni qətnamə

Fransa və Böyük Britaniya BMT Təhlükəsizlik Şurasının yeni qətnaməsini hazırlayır.

Ölkə.Az xəbər verir ki, yeni qətnaməyə əsasən, Suriyaya qarşı sanksiyalar tətbiq ediləcək.

Qətnamə Suriya ordusu, hökuməti və dövlət strukturlarına helikopterlərin satışını qadağan edir.

BMT və kimyəvi silahın qadağan edilməsi üzrə təşkilatın apardığı istintaq komissiyasının nəticəsinə əsasən belə qərar verilib. Rəsmi Dəməşq 3 kimyəvi hücuma görə məsuliyyət daşıyır. Hücum zamanı içi xlor dolu konteynerlər hərbi vertolyotlardan atılıb.

Sənəddə eyni zamanda kimyəvi hücuma aidiyyatı olan 11 fiziki şəxs və 10 struktura qarşı da sanksiyalar nəzərdə tutulub. Sanksiyalara əsasən, aktivlər dondurulacaq və bu adamların ölkədən çıxışına qadağa qoyulacaq.

Əgər sənəd qəbul edilsə, bu şəxs və strukurlara xlor satışı və kimyəvi silahla bağlı digər kimyəvi maddələrin satışı qadağan ediləcək.

Hikmət
Ölkə.Az