Mariya Zaxarova: “ABŞ hökuməti Rusiya siyasətinə uduzduğu üçün qisas alır”
“ABŞ prezidenti Barak Obamanın 29 dekabr tarixində Rusiya diplomatlarının ölkədən çıxarılması ilə bağlı imzaladığı sərəncam başa düşüləndir. Bu ABŞ hökumətinin son illər siyasi baxımdan Rusiyaya məğlub olmasının nəticəsində alınan qisasdır”.
Ölkə.Az xəbər verir ki, bu barədə Rusiya xarici işlər nazirliyinin mətbuat kaibi Mariya Zaxarova ABŞ-dan Rusiyalı diplomatlarının qovulmasına şərh verərəkən bildirib. Onun fikrincə Rusiyanın Suriyada atəşkən elan etməsindən sonra Amerikanın bu qərarı əslində gözlənilən idi.
“Rusiya Suriyada atəşkəs elan edilməsi üçün xüsusi rol oynadı Türkiyə, İran və Rusiya atəşkəsə zəmanət verib. Bu da ABŞ-ın Suriya planını pozub. Buna görə də, ABŞ hökumöəti Rusiyadan intiqam almaq yollarını axtarır”, - deyə Mariya Zaxarova bildirib.
Qeyd edək ki, dekabrın 29-da ABŞ hökuməti ölkəni rusiyalı diplomatlardan “təmizləmək” qərarına gəlib. Obamanın sərəncamı ilə 35 rusiyalı diplomatı ABŞ-dan çıxarılır.
Rəsmi Ağ Evin yaydığı məlumata görə, diplomatlar qayda pozuntusuna yol veriblər. Diplomatik fəaliyyətin qaydalarını kobud şəkildə pozduqları üçün həmin şəxslər təcili olaraq ABŞ-dan çıxarılacaqlar.
Ziya Səccad
