Rusiyalı diplomatlar ABŞ-ı tərk ediblər
Rusiyanın Vaşinqtondakı səfirliyi Amerika hakimiyyəti tərəfindən göndərilən rus diplomatların ölkəni tərk etdiklərini açıqlayıb.
“Qafqazinfo”nun xarici KİV-ə istinadən verdiyi xəbərə görə, səfirliyin mətbuat xidmətindən bildirilib ki, diplomatların olduğu təyyarə havaya qalxıb.
Qeyd edək ki, prezident Barak Obama seçimlərə müdaxilə edildiyinə və Rusiyada çalışan amerikalı diplomatlara hücuma görə 9 rus qurumu, şirkəti və vətəndaşlarına qarşı sanksiya tətbiq edib. Buna cavab olaraq Obama administrasiyası 35 rus diplomatın Amerikadan göndərilməsinə qərar verib.
