Qırğızıstandan Türkiyəyə müraciət
Qırğızıstan Milli Təhlükəsizlik Komitəsi Türkiyəyə müraciət edib.
Ölkə.Az xəbər verir ki, Qırğızıstan tərəfi İstanbulda "Reina" gecə klubunda terror aktı törədən vətəndaşı ilə bağlı Ankaradan əlavə məlumatlar istəyib.
Qırğızıstan Milli Təhlükəsizlik Komitəsinin rəsmi nümayəndəsi Rahat Süleymanov bildirib ki, ölkəsinin Ankaradakı səfirliyi artıq bu barədə Türkiyə hüquq mühafizə orqanlarına rəsmi sorğu göndərib.
Qeyd edək ki, Türkiyə hüquq-mühafizə orqanları terror aktında şübhəli bilinən terrorçunun Qırğızıstan vətəndaşı, 28 yaşlı Yahya Maşrapov olduğu barədə məlumat yayıb.
