Karlovun qatili "FETÖ"çüdür
Türkiyənin xarici işlər naziri rus səfirinin qatilinin Gülən tərəfdarı olduğunu bəyan edib.
Ölkə.Az xəbər verir ki, Mövlud Çavuşoğlu rəsmi Ankaranın Karlovun qatilinin Gülən tərəfdarı olması barədə informasiyaya malik olduğunu bildirib.
Rusiyalı səfir 19 dekabr tarixində Ankarada foto sərginin açılışında qətlə yetirilmişdi. Türk hakimiyyətindən verilən xəbərə görə, hücum polis əməkdaşı Mövlud Mert Altıntaş tərəfindən törədilib və təhlükəsizlik qüvvələri tərəfindən hadisə yerində zərərsizləşdirilib.
Çavuşoğlu deyib: "Əlimizdə olan informasiya və sənədlərə əsasən qatilin Fətullah Gülənlə əlaqəli olduğunu deyə bilərik".
Qeyd edək ki, bir müddət əvvəl də Türkiyənin prezidenti terrorçunun Gülən təşkilatı ilə əlaqəli olduğunu bildirmişdi.
Hikmət
Ölkə.Az