\"Reina\" qətliamında sağ qalan ukraynalı danışdı

İstanbulun "Reina" gecə klubunda terror hücumu zamanı sağ qalan ukraynalı qadın yaşadıqlarından danışıb.

Ölkə.Az xəbər verir ki, Natalya Volnova Ukraynanın Rovno şəhərində yaşayır və yeni il gecəsini qeyd etmək üçün işlədiyi şirkətin əməkdaşları ilə İstanbula gedib. Natalya başına gələn hadisələri "Facebook"dakı səhifəsində yazıb.

Hücumdan dərhal sonra "Facebook" səhifəsinə: "Terrorçular bir az əvvəl şirkətimizin yeni il şənliyi keçirdiyi kluba hücum etdilər. Çox adam öldü. Mən sağam, həyatdayam!"

Hücumdan bir müddət sonra Natalya yenə də sosial şəbəkədə baş verənlər barədə yazıb: "Hücumdan sonra gizləndiyim masanın altından məni çıxaran, əllərimi tutan və kürəyi ilə məni qoruyan türk polisinə təşəkkür edirəm. Klubdan çıxdıqdan sonra polis mərkəzinə qədər 500 metrəlik yolu piyada getdik. Yağış yağırdı və mən nazik paltarda idim. Ukraynanın Lutsk şəhərindən olan Nataşa adlı bir qız öz pencəyini mənə verdi".

Paylaşımdan sonra Volnova səhifəsini dondurub.

Hikmət
Ölkə.Az