Koalisiya qüvvələri 4 uşağın ölümünə səbəb oldu

Koalisiya qüvvələrinin hücumlarında 4 uşaq ölüb.

Ölkə.Az Anadolu agentliyinə istinadən xəbər verir ki, ABŞ-ın başçılıq etdiyi koalisiya qüvvələrinə aid döyüş təyyarələrinin İdlib bölgəsində Nusra Cəbhəsinin sursat anbarlarına təşkil etdiyi hücumlar nəticəsində 4 uşaq öldürülüb

Suriya Yerli Koordinasiya Komitəsinin verdiyi məlumata görə, koalisiya qüvvələrinə aid döyüş təyyarələri İdlibin Harm diyarında Nusra Cəbhəsinin qərargah və sursat anbarlarına hava hücumu təşkil edilib. Hücumda çox sayda insan həyatını itirib.

Bölgədəki yerli fəalların Mustafa Əbu Latif bildirib ki, Harm diyarında Nusra Cəbhəsinə aid 2 sursat anbarı hücumlar nəticəsində partlayıb.

Partlama nəticəsində ətrafdakı 4 uşağın həyatını itirdiyini, çox sayda adamın yaralandığını və bir çox yaşayış məskənlərinə zərərin dəydiyi qeyd olunub.

Qeyd edək ki, ABŞ-ın başçılığı altında koalisiya qüvvələri əvvəl də İdlib və Hələbdə Nusra Cəbhəsini hədəf alaraq hücumlar təşkil etmişdilər.

Rəşid Mustafazadə

Ölkə.Az