Putin film qəhrəmanı olacaq

Putin haqqında sənədli film çəkiləcək.

Ölkə.Az RİA Novosti-yə istinadən xəbər verir ki, Hollivud rejissoru Oliver Stoun Putin haqqında film çəkmək istədiyini bildirib. Onun sözlərinə görə, filmin bədii yox, sənədli formada yaradılması planlaşdırılır.

"Amerikalıların eşitmək istəmədiyi mövqeyi göstərmək üçün Putindən müsahibə almaq istəyərdim. Mən onun haqqında sənədli film çəkmək niyyətindəyəm.", - deyə, Stoun əlavə edib.

Kremldan bildirilib ki, rejissorun məramı haqqında Putin artıq xəbərdardır. 4 noyabrda onlar Milliyyətlər Teatrında görüşüblər.

Qeyd edək ki, Oliver Stoun keçmiş xüsusi xidmət əməkdaşı haqqında çəkəcəyi filmin ssenarisini təsdiq etmək üçün Moskvaya gəlib. 2015-ci ilin əvvəllərində çıxacağı planlaşdırılan yeni filmin adı "Snoudenin faylları" olacaq.

Rəşid Mustafazadə

Ölkə.Az