"Ermənistanda oliqarx sistemi ölkəni iflasa aparır"
Ən qədim gəzəyənin törəmələri yeni mayaqoyan axtarır
Ermənistan müstəqillik tarixində ən faciəli günlərini yaşayır. Ölkə tamamilə oliqarxların əlinə keçib. Bu barədə İrəvanda keçirdiyi mətbuat konfransında "Yeni çağ" partiyasının lideri Aram Karapetyan bildirib.
Onun sözlərinə görə, oliqarxlar ölkənin yalnız iqtisadi məkanını deyil, həm də siyasi fəzasını ələ keçiriblər. Ölkə prezidenti oliqarxdır, baş nazir də onu kimi, artıq maliyyə nazirindən danışmağa dəyməz, demək olar ki, bütün Ermənistan ona məxsusdur.
Bununla yanaşı, Aram Karapetyan bildirib ki, oliqarxlar bu gün müxalifəti də ələ keçiriblər. Axı, müxalifətin lideri Sarukyan da iri oliqarxlandandır.
Aram Karapetyan əmindir ki, müxalifətin arxasında hakimiyyətə dönməyi arzulayan Robert Koçaryan durur. "Yeni çağ" partiyasının liderinin fikrincə, eks-prezident etiraz proseslərinin sürətləndirilməsini istəyir, çünki çox tələsir. İndiyə kimi tərəfdarlarının Koçaryanın Ermənistanda Putini təmsil etməsi barədə yaydığı əfsanə sabun köpüyü kimi partladı.
Koçaryana tabe olan qüvvələri başqa bir eks-prezident - Levon Ter-Petrosyan da fəallaşdırır. O da tələsir və Karapetyanın fikrincə, bu, onun ahıl yaşında olması ilə bağlıdır. Bu yaxınlara kimi iki barışmaz düşmən sayılan iki eks-prezident hakimiyyəti ələ keçirmək üçün bu gün birləşiblər.
Amma ölkə rəhbərliyinin dəyişdirilməsi də heç nə verməyəcək. Sadəcə, Ermənistan bir oliqarxın əlindən başqa oliqarxın əlinə keçəcək.
Bu ölkə bu gün hansı bir inteqrasiya yolunu - Avrasiya İttifaqını və ya Avropa Birliyini seçirsə - seçsin, onun vəziyyəti düzəlməyəcək. Çünki, Karapetyanının fikrincə, bu gün Ermənistanda mövcud olan oliqarx sistemi ölkəni tam iflasa aparır.(Anspress)
Ölkə.Az
