Pakistanda bazarı qana boyadılar
Pakistanda terror aktı törədilib
Ölkə.Az xəbər verir ki, bazarda partlayan bomba 20 nəfərin ölümünə səbəb olub.
Əfqanıstanla sərhəddə yerləşən Paraçinar şəhərində bazarda bir kisənin altına yerləşdirilən bomba uzaqdan idarəedilən pultla partladılıb. Hücum vaxtı 20 nəfər həlak olub. Terrorçular bombanı meyvə-tərəvəz bazarında bir kisənin altına yerləşdiriblər. Partlayış vaxtı 40 nəfər xəsarət alıb. Yaralılardan bir çoxunun vəziyyəti ağırdır. Paraçinarda tibbi personal çatışmadığı üçün bəzi yaralıları helikopterlə Peşaverə aparıblar.
Qeyd edək ki, Paraçinar tayfalar bölgəsi Kurramın ən böyük şəhəridir. Son illərdə tez-tez terrorçular bu şəhərdə hücumlar təşkil edirlər.
Hikmət
Ölkə.Az
