ABŞ-da yenilik
Ölkə.Az xəbər verir ki, bir qrup vəkil yeni prezidenti məhkəməyə verməyə hazırlaşır.
ABŞ-da bir qrup vəkil yeni prezident əleyhinə "xarici ölkə rəhbərliklərindən ödəniş almaq" və bu yolla "Konstitusiyanı pozmaq" iddiası ilə məhkəməyə müraciət edəcək. Prezident Trampın dünyanın bir çox ölkəsinə yatırdığı sərmayələrin vəzifəsinə təsir etdiyi iddiası hüquqşünasların hədəfinə çevrilib.
Federal qanuna əsasən, dövlət idarəçilərinin xarici bir ölkədən qazanc əldə etməsi qadağan edilir. Vəkillər bu qanunu rəhbər tutacaqlar.
Yeni prezidentin xarici ölkələrdəki sərmayələrindən qazanc əldə edəcək heç bir fəaliyyətdə ola bilməyəcəyi, amma beynəlxalq otelləri üzərindən bunun pozulduğu bildirilir.
Tramp isə açıqlama verərək xarici ölkələrdəki otellərindən əldə edilən gəlirin ABŞ xəzinəsinə transfer ediləcəyini bildirmişdi.
Hikmət
Ölkə.Az
