İngiltərədə adamyeyən öldürüldü

Polislər adamyeyənə qarşı elektroşok tətbiq ediblər.

Ölkə.Az The Independent-a istinadən xəbər verir ki, İngiltərədə polislər 22 yaşlı xanımı yeməyə cəhd edən kişiyə qarşı elektroşok tətbiq edərək öldürüblər. 34 yaşlı Metyu Vilyams Britaniyada yerləşən hostellərdən birində xanıma hücum çəkərək yemək istəyib. Polislərin tətbiq etdiyi gərginliyin dozası artıq olduğu üçün hannibal dünyasını dəyişib.

Hostelin mühafizə xidməti Vilyamsın qapını açmadığını görəndən sonra polisə zəng ediblər. Polis xidmətinin işçiləri otağa daxil olan zaman dəhşətli səhnə ilə qarşılaşıblar. Belə ki, 34 yaşlı kişi xanımın üz və göz almacıqlarını yeməyə başlayırmış. Bunu görən polislər cinayətkara qarşı 50 min voltluq gərginlik tətbiq ediblər.

Bildirilib ki, 22 yaşlı xanım aldığı ağır yaralardan sonra dünyasını dəyişib.

Rəşid Mustafazadə

Ölkə.Az