Trampdan yeni plan

Ölkə.Az xəbər verir ki, ABŞ administrasiyasından verilən məlumata görə, planda İŞİD terrorçularının məhvinə qarşı yönəlmiş döyüş taktikasıdır. Trampın bu taktikası ilə İŞİD terrorçuları 30 gün ərzində tam məhv olacaq. ABŞ administrasiyasından o da bildirilib ki, yaxın günlərdə bununla bağlı Tramp sərəncam verəcək.

Qeyd edək ki, bir neçə gün əvvəl ABŞ-ın yeni prezidenti Donald Trampın Suriyaya aid yeni planlarının olması barədə də açıqlama verilmişdi.  Açıqlamada bildirilmişdi ki, Tramp müdafiə nazirliyindən İŞİD-in qalası sayılan Rakkanı məhv etmək üçün quru qoşunları və hərbi helikopterlərdən istifadə etməyi tələb edəcək. Yeni plan 1 ay ərzində həyata keçiriləcək. Prezident İŞİD-in paytaxtı Rakka şəhərinə qarşı ABŞ əsgərlərinin və hərbi helikopterlərinin istifadə edilməsini istəyir. Yeni plan 1 aya hazırlanacaq və həyata keçiriləcək.

Ekspertlər isə bu addımın ABŞ-la Rusiya arasında münasibətlərin yaxşılaşmasına doğru atıldığını düşünürlər. Politoloq Mübariz Əhmədoğlu Ölkə.Az-a açıqlasında bildirib ki, ABŞ Rusiyanın siyasətinə uyğun olaraq Suriyada planlar hazırlayır.

“Əgər Tramp digər məsələlərdə Rusiyaya qarşı meyillənə bilsə, ruslara qarşı sanksiyaların heç olmasa bir neçəsinə ləğv edə bilsə, Putin Trampı Suriya məsələlərinin bəzilərinə qoşa bilər. Onsuzda ABŞ Suriya məsələsində kənarda qalıb. İndi Suriya məsələsinə kim qoşulursa, Rusiyadan asılı olur.  Türkiyəni məsələyə Rusiya qoşub, İranın rolu rusların hesabına güclənib. Yəni Rusiya özünü Suriya məsələsinin sahibi hesab edir. Bundan bir payda ABŞ-a verə bilər. Bu şərtlə ki, Putinin Trampdan müəyyən qədər xoşu gəlsin. 

Amerikanın siyasətçiləri də bunu bilir”, - deyə Mübariz Əhmədoğlu bildirib.

Ziya Səccad
Ölkə.az