\"Ərəb Dördlüyü\"ndən İrana xəbərdarlıq

"Ölkə.Az" xəbər verir ki, "Ərəb Dördlüyü" Bəhreyn, Misir, Birləşmiş Ərəb Əmirlikləri və Səudiyyə Ərəbistanından ibarətdir. İttifaq İranı bölgə dövlətlərinin daxil işlərinə qarışmamağa çağırıb.

İttifaq İranı eyni zamanda qonşuluq münasibətlərinə rayət etməyə çağırıb.

Birləşmiş Ərəb Əmirliklərinin paytaxtı Abu-Dabi şəhərində "Ərəb Dördlüyü" və Ərəb İttifaqının baş katibi Əhməd Əbu Qaytın iştirak etdiyi iclasdan sonra yazılı açıqlama yayımlanıb. Açıqlamada İranın qonşu ərəb dövlətlərinin milli suverenitetinə hörmət göstərməli olduğu vurğulanıb.

Görüşdə İranın bölgə ölkələri ilə olan münasibətlərdəki son vəziyyəti dəyərləndirilib. İranın Suriya, Livan və İraqa müdaxilələrinin məzhəb problemləri yaratdığı və bunun nəticəsində qeyri-sabitlik və davam edən böhranlara görə narahat olduqları qeyd edilib.

BMT-nin Yəmənə silah embarqosu tətbiq edilməsi barədə 2216 saylı qətnamənin İran tərəfindən pozulduğu bildirilib.

Qeyd edək ki, "Ərəb Dördlüyü" 2016-cı ilin yanvar ayında qurulub.

Hikmət
Ölkə.Az