Tramp özünü müdafiə etdi

ABŞ prezidenti Donald Tramp dünən Avstraliyanın baş naziri ilə telefon danışığını yarımçıq kəsərək dəstəyi asmışdı

"Ölkə.Az" xəbər verir ki, Tramp bu hərəkətini müdafiə edib. O, bildirib ki, artıq bir az sərt olmağın vaxtıdır.

Prezident açıqlamasında deyib: "Sərt telefon danışıqlarım barədə xəbəri duyanda narahat olmayın. Bir az sərt olmağımızın vaxtı çatıb. Dünyanın demək olar ki, bütün xalqları bizdən faydalanıb. Amma artıq belə olmayacaq. Sərtdirlər, bizim də sərt olmağımız lazımdır".

Tramp telefon danışığından əvvəl iki ölkə arasındakı müqavilə ilə bağlı Tvitter hesabında "Bu axmaq müqaviləni incələyəcəm"-deyə yazmışdı.

Tramp sözlərinə davam edərək bildirib: "Avstraliyanı sevirəm, bir ölkə olaraq böyük hörmətim var. Amma hansısa səbəbdən bir problemimiz var. Prezident Obama həbsxanalardakı minlərlə miqrantı ABŞ-a qəbul edəcəyimizi bildirib. Mən sadəcə niyə, məqsəd nədir deyə soruşdum".

Qeyd edək ki, Obamanın prezidentliyi dövründə Avstraliya ilə imzalanan müqaviləyə əsasən, Avstraliyaya müraciət edən 1250 miqrant ABŞ-a göndərilməli idi.

Hikmət
Ölkə.Az